Densaýlyq saqtaý vıse-mınıstri, bas sanıtar dáriger Erlan Qıasov III toqsannan bastap oqytý formaty ózgergenin habarlady.

–  Mektep bitirýshi synyptar (9, 11 (12) synyptar) úshin aralas oqytýǵa, sondaı-aq kolejder men joǵary oqý oryndarynyń birinshi kýrs stýdentteri úshin oqý jylynyń ekinshi semestrinen bastap shtattyq oqytýǵa ruqsat etildi. Oqýshylar betperde taǵý, dálizde, kabınetter arasynda júrýge shekteý qoıý, sanıtaızerlerdi paıdalaný sıaqty barlyq saqtyq sharalaryn saqtaýy qajet, – dedi bas sanıtar dáriger.

Sondaı-aq ol qyrkúıek aıynda Anglıanyń ońtústik-shyǵys bóliginde koronavırýstyń jańa shtammynyń alǵashqy jaǵdaıy anyqtalǵanyn (MERS-CoV-2 VI 2012/01) aıtty. 

– Aldyn ala derekter boıynsha atalǵan vırýs halyqtyń jas toptary arasynda belsendi taralýda. Biraq bul tek aldyn ala derekter, ony zerdeleý jalǵasýda. Qazaqstanda vırýstyń bul tıpi anyqtalǵan joq. Vırýstyń aýa-tamshy arqyly berilý mehanızmin eskere otyryp, onyń elimizge ákeliný qaýpin joqqa shyǵarýǵa bolmaıdy, – dedi Erlan Qıasov.