Jelide aqyn Oljas Súleımenov pen zaıyby Margarıta Vladımırovnanyń COVID-19 juqtyrǵany týraly aqparat taraǵan. Aqparatty Almaty qalasy qoǵamdyq densaýlyq saqtaý basqarmasy rastady. Qazirgi tańda naýqastardyń jaǵdaıy jaqsarǵan habarlandy.

"Oljas Súleımenov zaıyby ekeýi 5 qańtardan beri koronavırýstyń jeńil deńgeıi dıagnozy boıynsha I.S.Jekenov atyndaǵy qalalyq klınıkalyq juqpaly aýrýlar aýrýhanasynyń fılıalynda (RV-90) em qabyldap jatyr. Jaǵdaıynyń jaqsarýyna baılanysty 2021 jylǵy 15 qańtarda olardy úı jaǵdaıynda emdelý úshin aýrýhanadan shyǵarý josparlanǵan" delingen qoǵamdyq densaýlyq saqtaý basqarmasynyń habarlamasynda.

Búǵan deıin jýrnalıs Bıgeldi Ǵabdýllın Oljas Súleımenov pen onyń áıeli Margarıta Vladımırovna Almatydaǵy medısınalyq mekemelerdiń birine jetkizilgenin, Margarıta Vladımırovnanyń jaǵdaıy aýyrlaý ekenin jazǵan.