Qazaqstan Respýblıkasy Úkimetiniń jańa quramy bekitilgenge deıin Qazaqstan Respýblıkasynyń Úkimeti óz mindetterin atqaratyn bolady. Bul týraly Prezıdent Qasym-Jomart Toqaevtyń Jarlyǵynda aıtylǵan.

"Qazaqstan Respýblıkasy Konstıtýsıasynyń 70-babynyń 1-tarmaǵyna, "Qazaqstan Respýblıkasynyń Úkimeti týraly" Qazaqstan Respýblıkasy Konstıtýsıalyq zańynyń 4-babyna sáıkes jańadan saılanǵan Qazaqstan Respýblıkasy Parlamenti Májilisiniń aldynda Qazaqstan Respýblıkasy Úkimetiniń ókilettigin doǵarýyna baılanysty QAÝLY ETEMİN:

1. Qazaqstan Respýblıkasy Úkimetiniń jańa quramy bekitilgenge deıin Qazaqstan Respýblıkasynyń Úkimeti óz mindetterin atqaratyn bolsyn.

2. Osy Jarlyq qol qoıylǵan kúninen bastap qoldanysqa engiziledi" delingen jarlyqta.