Qazaqstanda táýelsizdiktiń 30 jyldyǵynda jańa reformalar júrgiziledi. Bul týraly prezıdent Qasym-Jomart Toqaev jetinshi shaqyrylǵan parlamenttiń 1-shi sesıasynda habarlady.

Qasym-Jomart Toqaev kúrdeli kezeńde bir sekýndqa da tynyǵýǵa bolmaıtynyn atap ótti.

– Jyl basynda saılaý ótkizý arqyly biz damýǵa jańa jol ashamyz. Táýelsizdiktiń 30 jyldyǵynda jańa reformalar júrgiziledi. Basty basymdyq – halqymyzdyń ál-aýqatyn jaqsartý, – dedi prezıdent.

Onyń aıtýynsha, partıalardyń kózqarastary ártúrli bolǵanymen, maqsat ortaq.

– Ótken saılaý bizdiń tarıhymyzda jańa paraq ashty. Daýys berý barlyq óńirdegi halyq bizdiń elimiz tańdaǵan joldy qoldaıtynyn kórsetti. Partıalardyń saıası kózqarastary ártúrli bolǵanymen, maqsat ortaq. Májilistiń kóppartıaly jańa quramy bizdiń qoǵamda básekege qabilettiliktiń óskenin kórsetedi, – dedi Toqaev.