Qazaqstanda 1 aqpannan bastap halyqtyń osal toptaryna reseılik "Spýtnık V" koronavırýs vaksınasyn salý josparlanýda. Bul týraly Densaýlyq saqtaý mınıstri Alekseı Soı aıtty.
– Koronavırýs ınfeksıasyn juqtyrý jáne taralý qaýpi joǵary medısına qyzmetkerleri, pedagogter, polıseıler, sondaı-aq júrek-qantamyr júıesi, tynys alý organdary, qant dıabeti tarapynan sozylmaly aýrýlary bar adamdar, medısınalyq-áleýmettik mekemelerdiń personaly men kontıngentin qosa alǵanda, halyqtyń osal toptary koronavırýs ınfeksıasyna qarsy tegin vaksınasıalanady, – dedi mınıstr.
Onyń aıtýynsha, jyl sońyna deıin 6 mln qazaqstandyqqa vaksına egý josparlanýda.
Pikir qaldyrý