Nur-Sultan qalasynda er adam áıelin óltirip, artynsha ózine qol jumsaǵan, dep habarlady qalalyq polısıa departamentiniń baspasóz qyzmeti.

16 qańtarda elordanyń turǵyn úı keshenderiniń birinde kisi óltirý oqıǵasy boldy.

Polıseıler páterlerdiń birinde erli-zaıyptylar arasynda janjal bolǵanyn, aqyrynda kúıeýi áıelin pyshaqtap óltirgenin, sodan keıin áıeldiń ápkesine birneshe jaraqat salǵanyn anyqtady. Ápkesi páterden shyǵyp, kórshilerinen kómek suraǵan, olar polısıa shaqyrǵan. Bul ýaqytta er adam páterdi ishinen jaýyp alǵan.

"Kelgen polısıa qyzmetkeri esikti ashyp, 46 jastaǵy áıel men onyń jubaıynyń máıitin tapty, ol ózin pyshaqtap tastaǵan. Oqıǵa ornyna kelgen jedel járdem brıgadasy er adamnyń ólimin rastady" delingen PD habarlamasynda.

Atalǵan fakti boıynsha qylmystyq is qozǵalyp, tergeý amaldary júrgizilýde.