Memleket basshysy Qasym-Jomart Toqaev 785 myń pedagogtyń jalaqysy 25 paıyzǵa ósetinin málimdedi. Bul týraly ol premer-mınıstr Asqar Mamınmen kezdesýi barysynda aıtty.

– Bıyl da búdjet salasyndaǵy 1 mıllıon 70 myń qyzmetkerdiń eńbekaqysyn, onyń ishinde, 785 myń pedagogtyń jalaqysyn 25 paıyzǵa, 247 myń medısına qyzmetkeriniń eńbekaqysyn 30 paıyzǵa,   áleýmettik qorǵaý salasyndaǵy áleýmettik-medısınalyq mekemelerdiń 38 myń qyzmetkeriniń jalaqysyn 45 paıyzǵa deıin arttyrý jumysyn jalǵastyrý asa mańyzdy mindet, – dedi prezıdent.

Budan buryn prezıdenttiń tapsyrmasy boıynsha Úkimet 2020 jyly búdjet salasyndaǵy 883 myń qyzmetkerdiń eńbekaqysyn ósirgen.

Atap aıtqanda 609 myń pedagogtyń jalaqysy 25 paıyzǵa, 215 myń medısına qyzmetkeriniń eńbekaqysy 30 paıyzǵa deıin, mádenıet, arhıv jáne óner salasyndaǵy 34 myń qyzmetker men áleýmettik qorǵaý salasyndaǵy 25 myń qyzmetkerdiń jalaqysy 50 paıyzǵa deıin kóbeıgen.