Djo Baıden ant qabyldap, AQSH  prezıdenti qyzmetine kiristi, dep habarlady RIA Novostı saıty.

"Men, Djo Baıden, Amerıka Qurama Shtattary prezıdentiniń mindetterin adal oryndaımyn dep saltanatty túrde ant etemin jáne Amerıka Qurama Shtattarynyń Konstıtýsıasyn qoldaımyn jáne qorǵaımyn" dep Djo Baıden saltanatty túrde ant qabyldady. 

AQSH-tyń jańa prezıdenti "shyn júrekten" birlikke umtylatynyn jáne barlyq amerıkandyqtardy osyǵan shaqyratynyn málimdedi.

– Amerıkanyń bolashaǵyn qamtamasyz etý úshin, barlyq qıyndyqtardy jeńý úshin sózderden góri kóp nárse qajet... - birlik... Búgin, qańtardyń osy kúni, meniń oıym - Amerıkany biriktirý, halqymyzdy biriktirý, ultymyzdy biriktirý. Men ár amerıkandyqtan osy maqsatta maǵan qosylýyn suraımyn,– dedi ol ulyqtaý rásiminde.

Baıdenniń aıtýynsha, onyń saılanýymen demokratıa jeńdi. Ol AQSH odaqtardy qalpyna keltirip, álemmen qaıta baılanys ornatatynyn aıtty. Onyń aıtýynsha, Amerıka beıbitshilik pen qaýipsizdik isinde myqty jáne senimdi seriktes bolady

– Bul - Amerıka kúni, demokratıa kúni.  Búgin biz úmitkerdiń jeńisin emes, maqsattaryn atap ótemiz. Biz demokratıanyń qymbat, názik ekenin taǵy da túsindik. Osy saǵatta, demokratıa jeńiske jetti. Biz odaqtarymyzdy qalpyna keltiremiz jáne taǵy da álemmen baılanys ornatamyz.  – dedi Baıden.

Baıden pandemıa qurbandaryn eske alý úshin bir mınýttyq únsizdik úshin ınaýgýrasıa kezinde sóıleýdi toqtatty.

78 jastaǵy demokrat Djo Baıden AQSH-tyń 46-shy prezıdenti boldy. Ol qarasha aıynda ótken saılaýda respýblıkashyl Donald Trampty jeńdi. Tramp Baıdenniń ınaýgýrasıasyna qatysýdan bas tartty.