Almaty oblysynyń soty karantınge jabyldy. Bul týraly sottyń facebook paraqshasynda habarlandy.
"Taldyqorǵan qalasynyń bas memlekettik sanıtar dárigeriniń 2021 jylǵy 20 qańtardaǵy "Almaty oblystyq soty" RMM ǵımaratynda jáne aýmaǵynda karantındik sharalar engizý týraly" qaýlysymen: oblystyq sot jáne onyń aýmaǵynda 2021 jyldyń 20 qańtarynan 2 aqpanyna deıin karantın sharalary engizildi" delingen habarlamada.
– Qaýlyǵa sáıkes:
- sottyń jumysy qashyqtan jumys rejımine tolyq aýysa otyryp, tolyǵymen toqtatylady;
- sot ǵımaratyna SEQ qyzmetkerlerinen basqalarynyń kelýine qatań tyıym salynady;
- osy merzimde qaraýǵa taǵaıyndalǵan ister keıinirek merzimge aýystyrylady, taǵaıyndalǵan kúni men ýaqyty týraly aqparat qatysýshylarǵa qosymsha joldanady;
- QPK-niń 107-babyna sáıkes kelip túsken materıaldardy sýdıa Taldyqorǵan qalalyq sotynyń ǵımaratynda qashyqtan qaraıdy, – dep jazdy Almaty oblysy boıynsha sottar ákimshisi basshysynyń mindetin atqarýshy E.Aıtjanov.
