Qaraǵandy oblysynda jol apatynan eki adam qaza taýyp, bir adam jaraqat aldy. Bul týraly Polisia.kz habarlady.
Oqıǵa 21 qańtarda Qaraǵandy-Balqash tas jolynda bolǵan. 59 jastaǵy Shacman kóliginiń júrgizýshisi róldi basqara almaı, joldyń qarsy jolaǵyna shyǵyp, 35 jastaǵy polısıa qyzmetkeri júrgizip kele jatqan VAZ avtokóligimen soqtyǵysqan.
Saldarynan VAZ avtokóliginiń ishinde bolǵan 30 jastaǵy polısıa qyzmetkeri men 46 jastaǵy oblys turǵyny oqıǵa ornynda kóz jumdy. Al kólik júrgizip kele jatqan 35 jastaǵy polıseı túrli jaraqatpen aýrýhanaǵa jetkizildi.
Atalǵan fakt boıynsha qylmystyq kodekstiń 345-baby, 4-bóligi boıynsha qylmystyq is tirkeldi. Qazirgi ýaqytta tergeý amaldary júrgizilip jatyr.
Pikir qaldyrý