Eýroparlament Reseı bıligi oppozısıoner Alekseı Navalnyıdy qamaýyna baılanysty Eýro odaq elderin Reseıge qarsy sanksıany kúsheıtýge shaqyrdy.

581 depýtat qoldap, 50 depýtat qarsy daýys berip, 44 depýtat qalys qalǵan rezolúsıada parlament EO-ǵa múshe elderdi Alekseı Navalnyıdy qamaýǵa baılanysty belsendi pozısıa ustanýǵa, Reseıge qatysty shekteý sharalaryn kúsheıtýge shaqyrǵan. Bul Navalnyıdy ustaýǵa qandaıda bir baılanysy bar jeke jáne zańdy tulǵalarǵa da qatysty.

Sanksıa EO elderinde aktıvteri bar jáne sol elderge bara alatyn prezıdent Pýtın rejımimen baılanysy bar reseılik olıgarhtarǵa, Pýtınge jaqyn adamdar men reseılik BAQ-taǵy propagandısterge de salynýǵa tıistigi aıtylady.

Sondaı-aq EO-nyń adam quqyǵy salasy boıynsha jahandyq sanksıalardyń jańa rejımine baılanysty qosymsha shekteý sharalary engizilýi múmkin.

Depýtattar Eýro odaq budan bylaı shyǵý tórkini belgisiz reseılik baılyqqa qonaqjaılyq tanytpaý kerektigine nazar aýdardy.

Sońynda rezolúsıa Alekseı Navalnyı men onyń Reseıge oralýy barysynda ustalǵan ózge tulǵalardy dereý bosatýdy talap etedi. "Meıli ol jýrnalıser bolsyn, onyń komandasynyń múshesi nemese qoldaý kórsetken azamat bolsyn bosatylýǵa tıis" delingen eýroparlament saıtyndaǵy málimdemede.