Ótken jyly Qazaqstanǵa kelgen qandastardyń jartysynan kóbi (53,1%) QHR-dan, 31,3% – Ózbekstannan, 8,7% – Túrkimenstannan, 3,7% – Mońǵolıadan jáne 3,3% – basqa elderden kelgen.

Kelgen etnıkalyq qazaqtar negizinen Almaty (51,3%), Mańǵystaý (13,3%) jáne Túrkistan (5,6%) oblystaryna, sondaı-aq Nur-Cultan (4,1%) jáne Shymkent (3,9%) qalalaryna qonystandy.

2020 jyldyń qorytyndysy boıynsha eńbekke qabiletti jastaǵy qonys aýdarýshylar sany 57,1%-dy, eńbekke qabiletti jastan kishi 31,9%-dy jáne zeınetkerler 11%-dy quraıdy.

Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy sheńberinde qandastarǵa jumys kúshi tapshy óńirlerge erikti túrde qonys aýdarý usynylady.

2020 jyly qandastardy qabyldaýdyń bekitilgen óńirlik kvotasyna sáıkes 1,4 myńnan astam etnıkalyq qazaq pen olardyń otbasy músheleri QR Úkimeti aıqyndaǵan óńirlerge: Aqmola, Atyraý, Batys Qazaqstan, Shyǵys Qazaqstan, Soltústik Qazaqstan, Qostanaı, Pavlodar jáne Qaraǵandy oblystaryna turaqty turý úshin keldi:

Óńirlik kvotaǵa engizilgen qandastarǵa kóshýge (otbasynyń árbir múshesine 35 AEK-ten) bir rettik jáne turǵyn úıdi jalǵa alýǵa jáne komýnaldyq qyzmetterdi tóleýge (otbasyna 15-ten 30 AEK-ke deıin) aı saıynǵy shyǵystardy jabý boıynsha 12 aı ishinde sýbsıdıalar berý túrinde memlekettik qoldaý kórsetiledi.