Qazaqstandyq shańǵyshy, 2013 jylǵy álem chempıonatynyń qola júldegeri Nıkolaı Chebotko 38 jasynda qaıtys boldy, dep habarlady Olympic.kz saıty.

Saıt málimetinshe, olımpıada oıyndarynyń qatysýshysy jol apatynan qaıtys bolǵan.  Apat 24 qańtarǵa qaraǵan túni Býrabaı kentiniń (Aqmola oblysy) mańynda bolǵan.

Nıkolaı Chebotko 2013 jyly Val-Dı-Femmada álem chempıonatynyń úshinshi satysyna kóterilgen (komandalyq sprınt). Onyń qorjynynda Azıa oıyndarynyń úsh altyn, tórt kúmis jáne eki qola medali bar.

"Ulttyq Olımpıada komıteti elimizdiń barlyq sporttyq qoǵamdastyǵy atynan Nıkolaı Chebotkonyń týystary men jaqyndaryna qaıǵyryp kóńil aıtady. Biz ony talantty shańǵyshy, naǵyz olımpıadashy, jaqsy adam retinde este saqtaımyz!" delingen saıt habarlamasynda.