Qazaqstandyq shańǵyshy, álem chempıonatynyń qola júldegeri Nıkolaı Chebotko 38 jasynda ómirden ozdy dep habarlaıdy Olympic.kz. 

"Tórt birdeı Olımpıada oıyndaryna qatysqan sportshy 24 qańtarǵa qaraǵan túni Býrabaı aýyly mańynda (Aqmola oblysy) jol apatynan kóz jumdy" delingen rnsmı saıt taratqan habarlamada. 

Nıkolaı Chebotko 1982 jyly 29 qazanda Kókshetaý oblysyna qarasty Shýchınsk qalasynda dúnıege kelgen.

Shańǵy sportynan 2013 jylǵy álem chempıonatynyń qola júldegeri, tórt birdeı Olımpıada oıyndarynyń qatysýshysy. 

Úlken sporttaǵy eń iri  jetistigine Nıkolaı Chebotko 2013 jyly qol jetkizdi. Ol sol jyly Val-de-Femmede ótken álem chempıonatynda komandalyq sprınt boıynsha úzdik úshtikke engen.

Sondaı-aq, sportshy Azıa oıyndarynda úsh altyn, tórt kúmis jáne eki qola medal jeńip alǵan. 

Álem kýbogi kezeńderinde 2001 jyldan bastap synǵa tústi.

2012 jyly Kvebektegi álem kýbogi kezeńinde Denıs Volotkamen birge tarıhı altyn júlde ıelengen.

Ol birneshe ret el chempıonatynda kózge túsip, ómiriniń sońyna deıin shańǵy jarystarynda baq synady.