2021 jylǵy 1 aqpanda Almaty qalasyndaǵy "Kóktóbe" telemunarasynda sıfrlyq efırlik telehabar taratý jelisine kóshý boıynsha is-shara ótedi. Bul týraly qala ákiminiń baspasóz qyzmeti habarlady.
Búgingi tańda sıfrlyq efırlik telehabar taratý jelisi barlyq oblys ortalyqtarynda jáne birqatar oblystarda qol jetimdi: Mańǵystaý, Jambyl, Túrkistan, Almaty, Pavlodar, Qostanaı oblystarynda jáne Shymkent qalasy tolyqtaı kóship qoıǵan.
Endi 1 aqpanda Almaty qalasy men Soltústik Qazaqstan oblysyn tolyq kóshirý josparlanyp otyr.
Sonymen qatar bıyl 1 jeltoqsanǵa deıin Nur-Sultan qalasy men Qaraǵandy oblysyn sıfrlyq efır formatyna kóshirý kózdelgen.
Búkil Qazaqstan boıynsha analogtyq telehabar taratý jelisin óshirý úshin 827 radıotelevızıalyq stansıa turǵyzylyp, modernızasıalaný kerek. Qazirgi ýaqytta 546 radıotelevızıalyq stansıa iske qosyldy. Sonyń nátıjesinde SETV-nyń qamtý aýmaǵy el halqynyń 91 paıyzyn qurap otyr. Sıfrlyq efırlik telehabar taratý jelisin engizý jobasy 2022 jyly aıaqtalady dep josparlanǵan. SETV-ge kóshýdiń merzimderi men kezeńderin QR memlekettik quzyrly organ bekitedi.
Pikir qaldyrý