Koronavırýsqa qarsy vaksınasıa azamattardyń kelisimimen erikti túrde jasalady jáne 18 jasqa tolmaǵan balalarǵa ekpe salynbaıdy. Bul týraly Densaýlyq saqtaý mınıstrligi habarlady.

"Halyq densaýlyǵy týraly" Kodekstiń 77-baby negizinde kez kelgen ekpe, onyń ishinde koronavırýs ınfeksıasyna qarsy vaksınasıa erikti túrde júzege asyrylady. Azamattar vaksınasıadan jazbasha túrde bas tartýǵa quqyly.

18 jasqa tolmaǵan balalar men 65 jastan asqan adamdarǵa vaksınanyń tıimdiligi men qaýipsizdigi týraly málimet joq, sondyqtan bul jastaǵylarǵa ekpe salynbaıdy" delingen mınıstrlik taratqan habarlamada.

Koronavırýsqa qarsy vaksınasıa epıdemıologıalyq mańyzdylyǵyn eskere otyryp, kezeń-kezeńimen  tegin medısınalyq kómektiń kepildik berilgen kólemi sheńberinde júrgiziledi.

1 aqpanda bastalatyn birinshi kezeńde ınfeksıalyq aýrýhana, jedel medısınalyq járdem, reanımasıa jáne qabyldaý bólmeleri, sanepıdqyzmettiń medısına qyzmetkerleri vaksınasıalana alady.

1 naýryzda bastalatyn ekinshi kezeńde jalpy bilim beretin mektepterdiń, JOO-dyń, pedagogter, medısınalyq qyzmet qyzmetkerleri qamtylady.

1 sáýirden bastap úshinshi kezeńde: mektep-ınternattardyń, mektepke deıingi balalar mekemeleriniń pedagogtaryna, stýdentter jáne sozylmaly aýrýlary bar adamdarǵa ekpe salynady.

Immýndaý aldynda:

- egý saldyratyn adamǵa profılaktıkalyq egý, yqtımal reaksıalar men keri áseri, sondaı-aq egýden bas tartý saldary týraly tolyq aqparat beriledi;

- erikti túrde aqparattandyrylǵan kelisim nemese bas tartý qaǵazy resimdeledi (QR DSM 13.06.2018 j. № 361 buıryǵymen bekitilgen "Halyqqa profılaktıkalyq egýlerdi júrgizý boıynsha sanıtarıalyq-epıdemıologıalyq talaptar" BK 1-qosymshasyna sáıkes).

- ádistemelik usynymdarǵa 2-qosymshaǵa sáıkes egilgenderge saýalnama júrgiziledi.

Áıelderge vaksına salmas buryn júkti emes pe, bala emizbeı me, sony anyqtaý qajet.