Memleket basshysy Qasym-Jomart Toqaev úkimettiń keńeıtilgen otyrysynda táýelsizdiktiń 30 jyldyq mereıtoıy kezinde artyq dańǵaza men ysyrapshyldyqqa jol berilmeıtinin aıtty.

– Bıyl qasıetti Táýelsizdigimizdiń 30 jyldyǵyn atap ótemiz. Osyǵan oraı, qolǵa alynǵan reformalardy qarqyndy túrde júzege asyrýymyz kerek. Mereıtoı kezinde artyq dańǵaza men ysyrapshyldyqqa jol berilmeıdi.

Biz osy sharalar arqyly birlik pen kelisimdi nyǵaıtyp, óskeleń urpaqtyń boıyndaǵy patrıotızm rýhyn damytýǵa tıispiz. Olardy egemendigimizdiń jáne memlekettiligimizdiń qundylyqtaryn baǵalaı bilýge úıretýimiz qajet, – dedi ol.

Prezıdent óz sózinde "bizdiń basty maqsatymyz – azamattarymyzdyń turmys sapasyn jaqsartyp, tabysyn arttyrý" ekenin jetkizdi.

Onyń aıtýynsha, memlekettik organdardyń árbir sheshimi, árbir áreketi ekonomıkany damytýǵa jáne halyqtyń ıgiligine arnalýǵa tıis.