Almatyda karantın sharalary kúsheıtildi. Bul týraly qalanyń bas sanıtar dárigeri Jandarbek Bekshın habarlady.

Jańa qaýlyǵa sáıkes: 

• oıyn-saýyq, sporttyq is-sharalardy, kórmelerdi, forýmdardy, konferensıalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynady;
• Saýnalardyń, SPA-ortalyqtar, baseınderdiń kúndelikti jumysyn saǵat 8.00 den 21.00-ge deıin shekteı otyryp, senbi - jeksenbi kúnderi qyzmetine tyıym salynady;
• SOSO men saýda úılerinde ornalasqan qoǵamdyq tamaqtaný obektileri men fýdkorttardyń jumysy 7:00-20:00-ge deıin shekteledi;
• Koronavırýstyq ınfeksıanyń barlyq nysandaryndaǵy naýqastar mindetti túrde aýrýhanaǵa jatqyzylady;
• mádenıet obektileriniń, teatrlardyń, kınoteatrlardyń jumysy toqtaıdy;
• Qoǵamdyq tamaqtaný obektileriniń qyzmeti saǵat 9.00-den 20.00-ge deıin shekteledi;
• 15 adamnan aspaıtyn jeke jáne uıymdasqan toptar úshin erekshe qorǵalatyn tabıǵı aýmaqtarǵa barýǵa ruqsat beriledi;
• Ujymdyq is-sharalardy (namaz oqý jáne qulshylyq etý) ótkizbegen jaǵdaıda dinı obektilerdiń qyzmetine ruqsat etiledi;
• Mektepke deıingi mekemelerdiń qyzmeti toqtaıdy;
• Jabyq bazarlardyń jumysy saǵat 17:00-ge deıin shekteledi. Senbi jáne jeksenbi kúnderi tyıym qyzmeti toqtatylady. Jeksenbi kúnderi ashyq bazarlardyń jumysy shekteledi;
• Jumys kúnderi SOSO, saýda úıleri men saýda jelileriniń qyzmeti saǵat 10.00-den 20.00-ge deıin jalǵasady. Senbi jáne jeksenbi kúnderi qyzmetke tyıym salynady.

Sonymen qatar, tehnologıalyq proses jumysshylary men qalanyń tynys-tirshiligin qamtamasyz etetin memlekettik organdardyń, uıymdar men obektilerdiń, ónerkásiptik, qurylys jáne ózge de uıymdardyń qyzmetkerlerin qospaǵanda, adam sany 20 jáne odan kóp uıymdar jumysshylarynyń 80%-yn qashyqtan jumys rejımine kóshiredi.

Qaýly 2021 jylǵy 1 aqpanda saǵat 00.00-den bastap kúshine enedi.