Jelide reseılik "Spýtnık V" vaksınasynyń qorqynyshty janama áserlerin "dáleldeıtin" aýdıojazba men vıdeo taratylýda. "COVID-19-ǵa qarsy egilgen ekpe saldarynan qazaqstandyqtarda álsizdik, deneniń aýyrsynýy, tipti qurysýlar baıqalǵan. Jaǵdaı Baıqońyrda bolǵan" dep shýlasty jeli qoldanýshylary. Stopfake saıty aqparat feık ekenin málemdedi.

"Spýtnık V" vaksınasıasynyń saldary dep usynylǵan vıdeo shyn máninde eski. Ol 2015 jyly Jańaózende túsirilgen. Ol kezde qyzylshaǵa qarsy vaksınasıa 400-ge jýyq orta mektep oqýshysynda erekshe janama áserler týdyrǵan bolatyn. Mundaı áserler tek qyzdarda jáne tek naqty qalalarda ǵana tirkeldi, al vaksınany el boıynsha júzdegen myń adam alǵan. Osyny eskere otyryp, mamandar keıinirek janama áserlerdiń týyndaýyna vaksınanyń ózi emes, jappaı psıhozdyń bolýy sebep boldy degen qorytyndyǵa kelgen.

Qazaqstanda COVID-19-ǵa qarsy vaksınasıa áli bastalǵan joq. Ony 1 aqpanda bastaý josparlanyp otyr. Birinshi kezekte ekpe muǵalimderge, medısına qyzmetkerlerine jáne táýekel toptarynyń basqa da ókilderine jasalady.

Sonymen qatar, "Spýtnık V" vaksınasynyń tıimdiligi men qaýipsizdigi klınıkaǵa deıingi jáne klınıkalyq zertteýlermen dáleldengen. Ol tyshqandarǵa, prımattardyń eki túrine jáne adamdarǵa synaldy. Habarlamada sıpattalǵan janama áserlerdiń týyndaýy týraly habarlanǵan joq.