Sot aralas jekpe-jek sheberi,  Qýat Hamıtovqa qatysty úkimdi jarıalady dep habarlady zakon.kz.

Hamıtovty kóshede dezınfektorlardy uryp, tikushaqtardy atýǵa shaqyrǵany úshin kináli dep taýyp, sot ony 6 aıǵa bas bostandyǵyn shekteýge úkim shyǵardy.

Sot qazaqstandyq faıterdiń buryn jaýapqa tartylmaǵanyn jáne óz kinásin tolyq moıyndaǵanyn eskerdi. Sportshy sottaǵy sońǵy sózinde shetelge shyǵýǵa múmkindik berýin suraǵan bolatyn.

– Qurmetti sot, men úshin eń mańyzdy másele shetelge shyǵýǵa múmkindigimniń bolýy. Sebebi men elimniń namysyn qorǵap júrmin. Jazam qandaı bolsa da, kónemin. Tek shetelge shyǵa alsam boldy. Meniń alǵa qoıǵan maqsatym kóp, – dedi ol

Qýat Hamıtovtyń ústinen qylmystyq kodekstiń 272-baby 3-bólimi boıynsha (bılik ókiline baǵynbaýǵa shaqyrý, jappaı quqyqbuzýshylyqqa tartý, arandatý, azamattarǵa kúsh qoldanýǵa shaqyrý) is qozǵalǵan. İs Almaty qalasy Almaly aýdandyq sotynda qaralyp jatyr.

Buǵan deıin Qýat Hamıtov 2020 jylǵy qyrkúıekte áleýmettik jelide bılikke qarsy kúsh qoldanýǵa shaqyrǵany úshin Almaty polısıa departamentine jetkizilgen. Atalǵan derek boıynsha qylmystyq kodekstiń 272-baby 3-bólimi boıynsha is qozǵaldy.