Aralas jekpe-jek sheberi Qýat Hamıtov óziniń jeke partıasyn ashatynyn resmı túrde málimdedi. Bul týraly ol áleýmettik jelidegi paraqshasynda jazdy.

– Men óz partıamdy ashatynymdy resmı túrde jarıalaımyn! Negizi muny istegim kelmedi, biraq meniń memleketim bul prosesti tezdetti. Partıa bárine kim kináli, kim ne istep jatyr degen dúnıelerdi aıtý úshin emes, halyqtyń daýysyn estý úshin qurylady.

Bizdiń memlekettiń basty problemasy – olar halyqtyń pikirimen sanaspaıdy jáne únin estimeıdi.

Partıanyń ashylýyna eshqandaı kedergi bolmaıdy dep úmittenemin, óıtkeni biz erkin elde ómir súremiz. Meniń esigim bárine ashyq! Barlyǵyńyz partıaǵa múshe bola alasyzdar, – dep jazdy ol.

Eske sala keteıik, 28 qańtarda Almaty qalasy Almaly aýdanynda Hamıtovtyń isi boıynsha sot otyrysy ótken.  

Sot sportshyny Qylmystyq kodekstiń 272-baby 3-bóligi boıynsha kináli dep tanyp, 6 aı bas bostandyǵynan shekteý týraly úkim taǵaıyndaǵan.

Buǵan deıin Qýat Hamıtov 2020 jyldyń qyrkúıek aıynda áleýmettik jelide bılikke qarsy kúsh qoldanyp, bılik ókilderine baǵynbaýǵa shaqyrǵan vıdeosy úshin sotqa shaqyrylǵan bolatyn.

 

 

 

Posmotret etý pýblıkasıý v Instagram

 

 

 

Pýblıkasıa ot ★★★??????★★★ (@kuat__khamitov)