Premer-mınıstr Asqar Mamın Qazaq tili álipbıin latyn grafıkasyna kóshirý jónindegi ulttyq komısıa otyrysyn ótkizdi. Onda jetildirilgen álipbıdiń jańa nusqasy tanystyryldy.

Jańa nusqada árip sany – 31, álipbı tek latyn álipbıi bazalyq júıesi tańbalarynan quralǵan.  Bul álipbıde qazaq tiliniń  28 dybysy tolyq qamtylǵan. Qazirgi á(ä), ó(ö), ú(ü), u(ū) jáne ǵ(ğ), sh(ş) qazaq áripteri dıakrıtıkalyq tańbalarmen berilgen. Álipbıde halyqaralyq tájirıbede qoldanysta bar ýmláýt (  ̈ ), makron ( ˉ ), sedıl ( ̧), brevıs (  ̌ ) dıakrıtıkalyq tańbalary qoldanylǵan.

Álipbı qazaq tiliniń jazý dástúrinde ornyqqan «bir dybys – bir árip» prınsıpine tolyq sáıkes keledi. Jańa álipbıge kezeń-kezeńimen kóshý 2023 jyldan bastap 2031 jyl aralyǵynda josparlanyp otyr.

– Jetildirilgen álipbı nusqasy qazaq tiliniń damýyna jańa serpin berip, onyń zamanaýı úrdisterge saı jańǵyrýyna yqpal etedi. Aldaǵy ýaqytta qazaq tilin latyn grafıkaly álipbıge kezeń-kezeńimen kóshirý baǵytynda qarqyndy jumys júrgizý kerek, – dedi A. Mamın.