Mash Telegram arnasynyń jýrnalıseri reseılik oppozısıoner Alekseı Navalnyı "Pýtındiki" degen Gelendjık qalasyndaǵy záýlim saraıǵa bardy.

Sújet avtorynyń aıtýynsha, onyń gıdi tehnıkalyq qadaǵalaýshylardyń biri retinde alty jyl boıy ǵımarattyń salynýyn baqylaǵan. Gıd saraı týraly refortajǵa túsýge kónbeı, aqyry ózi habarlasyp, kelisimin bergen. Nysannyń ishi-syrtyn tolyq túsirýge bir saǵat qana ýaqyt bolǵan.

"Saraıǵa kelgenderdi qaqpasy joq kireberis qarsy alady. Qysqy saraıda táj bar, biraq Navalnyı vıdeosynda kórsetilgendeı patsha búrkitiniń kóshirmesi joq. Ornalasqan jerdi sıpattaý qıyn emes. Aınalanyń bári beton. Qurylystyń bastapqy kezeńi" degen vıdeo avtory ǵımaratta qurylys qyzý júrip jatqanyn, eshteńeniń tolyq bitpegenin kórsetken.

Qurylysshylardyń aıtýynsha, ǵımarat shamamen bes-alty jyldan keıin aıaqtalady.

Jýrnalıser ǵımarattyń qoldanylý maqsaty men ıesiniń kim ekenin bilý múmkin bolmaǵanyn málim etti.