Qazaqstandyq belgili kásipker jáne "Eurasian Resources Group" kompanıasynyń iri aksıoneri Alıdjan Ibragımov 67 jasynda qaıtys boldy. Bul týraly ERG-niń baspasóz qyzmeti habarlady.

Olıgarhtyń jaqyndary onyń uzaq ýaqyt boıy komada jatqanyn rastady. Ólimniń aldyn ala sebebi – koronavırýs ınfeksıasy.

Ol 1953 jyly 5 maýsymda Ózbekstanda dúnıege kelgen. 1974 jyly Máskeý veterınarlyq akademıasyn "ónerkásiptik taýarlar óndirisi men saýdasyn uıymdastyrý ekonomıkasy" mamandyǵy boıynsha támamdady.

Forbes.kz habarlaǵandaı, Alıdjan Ibragımov Qazaqstandaǵy eń baı kásipkerlerdiń bestigine kiredi. 2020 jyldyń jeltoqsan aıynda onyń baılyǵy 900 mln dollar dep baǵalanǵan. 

Sonymen qatar ol birqatar jeńil ónerkásip kásiporyndarynyń ekonomısi jáne basshysy bolyp jumys istegen. "Nevada-Semeı" AQ bas dırektory, basqarma tóraǵasy, keıin prezıdenti boldy.