Nur-Sultandaǵy oqýshylar saraıynyń burynǵy dırektory, ardaqty ustaz, qaıymtanýshy, abaıtanýshy Erbol İrgebaı dúnıeden ozdy, dep habarlady zakon.kz saıty.
– Taǵy bir ardaqty qazaq ótti ómirden!... Qaı jerge barsa da qazaqy bolmys-bitimin sol jerge kóshire baratyn óte ultshyl er edi. Alash arystarynyń amanatshyl izi edi. Syrqat kúıine qaramaı taǵy bir mektepke Qaıym Muhamedhannyń atyn alyp beripti. Oqýshylar saraıyna qazaqy qan júgirtip edi, oǵan Ál-Farabıdiń atyn ápergen osy kisi edi. Jaryqtyq-aı, kerilgen kıikteı sulý da, qysqa ǵumyryń bizderdi oılandyryp, opyndyryp ketti. Janyńyz jánnatta bolǵaı. Erbol aǵa tiri júrgende, áıteýir bir jerde qazaqqa paıdaly bir is istelip jatqandaı sezilip turýshy edi. Amal joq, – dep jazdy Ularbek Nurǵalymuly.
Erbol İrgebaı Shyǵys Qazaqstan oblysy Úrjar aýdanynyń týmasy. Bilimdi ustaz, ult janashyry, 30 jyldan astam ýaqyt boıy shákirt tárbıelep, ustazdyq etken. Sondaı-aq Nur-Sultan qalasynyń № 90 mektep-gımnazıasynyń dırektory qyzmetterin atqarǵan jáne Qaıym Muhamedhanovtyń shyǵarmalar jınaǵynyń 10 tomdyǵyn qurastyrǵan.
Pikir qaldyrý