Qazaqstan azamattary jeke turǵynúı qurylysyna arnalǵan 10 sotyq jer ýchaskesin tegin alýǵa quqyly. Jer ýchaskesi ózge jyljymaıtyn múliktiń baryna qaramastan beriledi. Tómendegi materıalda ýcheske alýdyń tártibi túsindirilgen.

Ýchaskeni alýǵa ótinish tapsyrý

Aldymen suralatyn ýchaske ornalasqan jerdiń ákimshiligine erkin formada jeke turǵynúı qurylysyna arnalǵan ýchaskege ótinim jazylady. Eger suralatyn ýchaske respýblıkalyq mańyzy bar qala aýmaǵynda ornalassa, onda ótinim sol qalanyń ákimshiligine baǵyttalady. Eger ýchaske aýyldyq eldimekende bolsa, onda aýyl ákimdigine júginý qajet.

Ótinim berýshi adamda jeke basyn kýálandyratyn qujattyń túpnusqasy men kóshirmesi bolýǵa tıis.

Ótinimde jer ýchaskesin qoldanýdaǵy maqsat, onyń shekti kólemi, ornalasqan orny, suratylǵan paıdalaný quqyǵy men suraýshy adam paıdalanǵysy keletin budan ózge jer ýchaskesi týraly aqparat usynylýy mindetti.

Ótinimniń qaralý merzimi

Ótinimniń jalpy qaralý merzimi – 2 aı.

Ákimshilik suralǵan jer ýchaskesin paıdalaný múmkindigin anyqtaý úshin qujattardy jer máselesi men arhıtektýraǵa jaýapty organǵa joldaıdy. Qujat 10 jumys kúni merzimi aralyǵynda qaralady. Artynsha 2 jumys kúni ishinde jer komısıasynyń qaraýyna beriledi.

Arnaıy esepke qoıý (kezekke turǵyzý)

Bólýge arnalǵan daıyn alań bolmaǵan jaǵdaıda, ótinim arnaıy esepke alynady ıaǵnı kezekke turǵyzylady. Munan keıin 2 jumys kúni ishinde jalpy tizimdegi kezek nomeri kórsetilgen habarlama beriledi. Al daıyn alań bolǵan jaǵdaıda ótinim berýshige bir aı ishinde ótinim berý kerektigi týraly habarlama jiberiledi. Daıyn alańdar men kezek tizimi týraly aqparat ashyq ári ákimshilik saıtynda nemese aqparat quraldarynda jarıalanady. 

Jer ýchaskesin taǵaıyndaý

Kezek kelgen kezde halyqqa qyzmet kórsetý ortalyqtaryna júginip, bólingen jer ýchaskesin ýaqytsha paıdalaný quqyǵyn rásimdeý úshin qajetti qujattardy usyný qajet. Rásimdeý kezinde aktterdi daıyndaý men ózge shyǵyndarǵa ketetin qarajatty ótinim berýshi óteıdi. Olar týraly tolyǵyraq myna jerden bilýge bolady.

Jerdi paıdalaný týraly akt berilgen kúnnen keıin jarty jyl ishinde mindetti túrde jeke turǵynúıdi paıdalanýǵa berý qajet. Sol kezde ǵana jer ýchaskesi jekemenshikke ótedi. Eger jarty jyl ishinde úı salynyp bitpese, HQKO arqyly ýaqytsha arenda merzimin bir jylǵa deıin sozýǵa bolady. Eger eki jyl ishinde jer ýchaskesi maqsatty paıdalanylmasa, ıaǵnı qurylys jumysy júrmese nemese úı paıdalanýǵa berilmese, memleket ony qaıtaryp alýǵa quqyly. Sondaı-aq mundaı jaǵdaıda jer kodeksiniń 93-baıýbyna saı memleketke kelgen zalaldyń ornyn toltyrý qajet bolady.

Osylaısha, úı salynyp bitkende ǵana memleketten berilgen jer ýchaskesi tolyqtaı jekemenshikke ótedi. Oǵan deıin jer ýaqytsha ıelikte bolady.

Derekkóz: zakon.kz.