Biryńǵaı jınaqtaýshy zeınetaqy qory salymshylar ótiniminiń qabyldanbaý sebepterin túsindirdi.

Ótinimderdiń qabyldanbaý sebepteri:

• Somalar durys kórsetilmegen, onyń ishinde zeınetaqy jınaqtarynyń somasy artyq kórsetilgen;
• Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen;
• Salymshylar alýǵa bolatyn soma sheginde emes, zeınetaqy jınaqtarynyń búkil somasyn kórsetken;
• Ótinimde ózekti emes somalar kórsetilgen, ıaǵnı salymshylar ınvestısıalyq tabystyń naryqtyq aýytqýyna baılanysty zeınetaqy jınaqtary somasyndaǵy ózgeristerdi eskermegen;
• "BJZQ" AQ derekter bazasynda jeke zeınetaqy shottary jáne tıisinshe zeınetaqy jınaqtary joq tulǵalardan da ótinimder túsken;
• Salymshylar qaıtalaıtyn ótinimder bergen.

Qor baspasóz qyzmetiniń aqparatynsha, BJZQ 2021 jyldyń 25 qańtarynan 5 aqpanyna deıingi aralyqta ýákiletti operatorlardan maqsatty paıdalaný úshin merziminen buryn tólemderdi júzege asyrýǵa joldaǵan 80 929 salymshynyń ótinishin qabyldady.

Jalpy somasy 322,8 mlrd teńgege jýyq 59 157 ótinish (73%-dan astam) aldyn ala maquldanyp, óńdeýge qabyldandy. BJZQ 21 772 ótinishti (shamamen 27%) zańnama talaptaryna sáıkes kelmeıtindikten qabyldamady.

Osylaısha, 25 qańtardan bastap ýákiletti operatorlar bolyp tabylatyn bankterde ashylǵan salymshylardyń arnaıy shottaryna shamamen 217 mlrd teńge aýdaryldy.