Qazaqstannyń eki oblysynda karantın sharalary jeńildetilip, keıbir shekteý sharalary alyndy.

Soltústik Qazaqstan oblysy bas memlekettik sanıtarıa dárigeriniń sońǵy qaýlysyna sáıkes oblysta shekteý sharalarynyń tómendegideı túrleri jeńildetildi.

♦ Senbi kúni saýda-oıyn-saýyq ortalyqtarynyń, saýda ortalyqtarynyń, saýda úıleriniń, jabyq kıim bazarlarynyń, jabyq azyq-túlik emes taýarlar bazarlarynyń, jabyq qurylys bazarlarynyń, baseınderdiń qyzmetine ruhsat etilip, jumys ýaqyty 24.00-ge deıin uzartyldy;

♦ Qoǵamdyq kólikterdiń jumysy jandandyryldy (eldimekender ishinde, onyń ishinde qala mańy marshrýttarynda), fıtnes, trenajer zaldary, sport obektileri, senbi jáne jeksenbi kúnderi 500 sharshy metrden asatyn azyq-túlik emes dúkender jumysyn jalǵastyrady;

♦ Qoǵamdyq tamaqtaný obektileriniń jumys ýaqyty saǵat 08.00-den 24.00-ge deıin uzartyldy, senbi jáne jeksenbi kúnderi jumys isteýge ruqsat etildi, onyń ishinde saýda-oıyn-saýyq ortalyqtarynda, saýda ortalyqtarynda, saýda úılerinde jumys isteýge ruqsat etildi;

♦ Shtat kestesi 15-ten astam qyzmetker bolǵan kezde qyzmetkerlerdiń keminde 60%-y qashyqtyqtan jumys nysanyna aýystyrylady;

♦ Radıýsy 300 shaqyrymnan aspaıtyn qalaaralyq/oblysaralyq turaqty avtobýstardyń (shaǵyn avtobýstardyń) qozǵalysyna ruqsat etiledi.

Al Qyzylorda oblysy bas memlekettik sanıtar dárigeriniń jańa qaýlysyna sáıkes jekelegen obektilerdegi karantın talaptary jeńildetildi:

♦ Syıymdylyǵy 150 adamǵa deıin, tolymdylyǵy 25%-ten aspaıtyn meshitterde, aýyldyq jerlerde ǵana juma namazyna ruqsat berildi.

♦ Bilim berý uıymdaryndaǵy kontıngenti 300 oqýshyǵa deıin qalalyq jáne aýyldyq dástúrli formatta oqıtyn mektepter, 1-den 5-shi synypty qosa alǵanda, oqý bitiretin 9, 11 (12) synyptardaǵy oqýshylar, kolejder men joǵary oqý oryndarynyń İ kýrs stýdentteri úshin qoǵamdyq tamaqtaný obektileriniń qyzmetine ruqsat etildi.