Shalqar Muqashuly Qojaev prezıdent baspasóz hatshysynyń orynbasary bolyp taǵaıyndaldy. Bul týraly Berik Ýálı facebook paraqshasynda habarlady.
"Prezıdent ákimshiligi basshysynyń buıryǵymen Shalqar Muqashuly Qojaev 2021 jylǵy 10 aqpannan bastap prezıdent baspasóz hatshysynyń orynbasary bolyp taǵaıyndaldy" delingen jazbada.
Shalqar Qojaev ál-Farabı atyndaǵy Qazaq ulttyq ýnıversıtetin "Halyqaralyq jýrnalısıka" mamandyǵy boıynsha, Qazaq ınovasıalyq gýmanıtarlyq-zań ýnıversıtetin "İskerlik ákimshilik" mamandyǵy boıynsha támamdaǵan.
AQSH-ta zamanaýı aqparatty taratý qyzmetin jetildirý boıynsha, Ýkraınada aqparattyq tehnologıalar boıynsha biliktiligin arttyrǵan.
Jýrnalısıkadaǵy eńbek jolyn Semeı qalasyndaǵy jergilikti telearnada jýrnalıs, dıktor bolyp bastaǵan.
2005-2011 jyldary "Qazaqstan-Semeı" arnasynda tilshi, júrgizýshi, "Qazaqstan" RTRK-nyń Shyǵys Qazaqstan óńiri boıynsha menshikti tilshisi bolyp qyzmet etken.
2011-2012 jyldary "Eýrazıa" telearnasynyń tilshisi retinde prezıdenttik pýl quramynda bolǵan.
2012 jyldan bastap "Habar 24" arnasynyń shyǵarýshy redaktory, prodúseri, jańalyqtar qyzmetiniń bas redaktory, "Habar" arnasynyń bas redaktory bolyp jumys istegen.
2017 jyldan bastap "Habar 24" arnasynyń shef-redaktory.
Qazaqstan Respýblıkasynyń "Eren eńbegi úshin" medalimen, birneshe merekelik medaldarmen, túrli dárejedegi alǵys hattarmen, "Aqparat salasynyń úzdigi" tósbelgisimen marapattalǵan. "Nur Suńqar" syılyǵynyń ıegeri.
Pikir qaldyrý