Densaýlyq saqtaý mınıstrliginiń ókilderi Naýryz meıramyn otbasymen qarsy alýǵa keńes beredi, dep habarlady ortalyq komýnıkasıalar qyzmetiniń baspasóz qyzmeti.

Vedomstvo ókilderi jańajyldyq merekelerden keıin aýrý kúsheıip ketkenin eske salyp, mereke kezinde sanıtarlyq erejelerdi ustanyp, betperde taǵyp, ara qashyqtyqty saqtap, kóp adam jınalatyn jerge barmaǵan jón ekenin eskertti.

– Búkil dúnıejúzinde epıdemıologıalyq jaǵdaı qıyn. Bas sanıtar dárigerdiń qaýlysyna sáıkes, barlyq buqaralyq is-sharaǵa tyıym salynǵan. Naýryzda qosymsha shekteý sharalaryn engizý óńirdegi epıdemıologıalyq jaǵdaıǵa baılanysty bolady. Ár óńirdiń bas sanıtar dárigeri qaýly shyǵarady. Bári qalypty bolsa, jumysymyzdy osy qalypta jalǵastyramyz. Biraq eshqandaı buqaralyq sharalar ótkizilmeıdi. Árkim óz otbasynda toılaýy kerek, – dedi DSM vıse-mınıstri Ajar Ǵınıat Ortalyq komýnıkasıalar qyzmetinde ótken brıfıńte.