2018 jylǵy 1 shildeden bastap memlekettik bazalyq zeınetaqy tólemi ár zeınetkerge zeınetaqy júıesine qatysý ótilin eskere otyryp jeke taǵaıyndalady.

Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary tólengen kezeńder zeınetaqy júıesine qatysý ótiline qosylady.

Eger zeınetaqy júıesine qatysý ótili 10 jyl nemese odan az bolsa, sondaı-aq eger múlde joq bolsa, bazalyq zeınetaqy eń tómengi kúnkóris (2021 jyly 34 302 teńge) deńgeıiniń 54%-yn (18 524 teńge) quraıdy. Sodan keıin 10 jyldan asqan ár jyl úshin onyń mólsheri 2%-ǵa artady. Mysaly, eger qatysý ótili 20 jyl bolsa, bazalyq zeınetaqy eń tómen kúnkóris deńgeıiniń 74%-yn  (25 383 teńge), 30 jyl – eń tómen kúnkóris deńgeıiniń 94%-yn (34 123,88 teńge) quraıdy. Jumys ótili 33 jáne odan da kóp jyl bolsa, eń tómen kúnkóris deńgeıiniń 100%-y mólsherinde (34 302 teńge) belgilenedi.

Eger bir aı ishinde biryńǵaı jınaqtaýshy zeınetaqy qoryna birneshe ret mindetti zeınetaqy jarnasy jasalsa, jınaqtaýshy júıege qatysý merzimi bir aıdy quraıdy.

Osylaısha, mindetti zeınetaqy jarnalary neǵurlym turaqty jáne tolyq salynatyn bolsa, zeınetaqy jasyna jetkende bazalyq zeınetaqy tólemderiniń mólsheri soǵurlym kóp bolady.

Óz kezeginde, jasyna baılanysty zeınetaqy tólemderiniń mólsheri 1998 jylǵy 1 qańtardaǵy jumys ótiline (kem degende 6 aı qajet) jáne zeınetkerlikke deıingi kezeńde alynǵan ortasha aılyq tabysqa baılanysty.