Prezıdent Qasym-Jomart Toqaev aqyn, Qazaqstannyń eńbek sińirgen qaıratkeri Shómishbaı Sarıevtiń otbasy men jaqyn týystaryna kóńil aıtty, dep habarlady Aqorda saıty.
Memleket basshysy Toqaev asa kórnekti aqyn, Qazaqstannyń eńbek sińirgen qaıratkeri Shómishbaı Naǵashybaıuly Sarıevtiń dúnıeden ótýine baılanysty onyń otbasy men jaqyn týystaryna kóńil aıtyp, jedelhat joldady.
"Shómishbaı Naǵashybaıuly qazaq poezıasynyń kóshin alǵa bastaǵan qalamgerdiń biri boldy. Óreli óleńderi men poemalary oqyrmandar tarapynan joǵary baǵasyn aldy. Uzaq jylǵy shyǵarmashylyq jolda jemisti eńbek etip, halqymyzdyń rýhanı baılyǵyn damytýǵa mol úles qosty. Marqumnyń jany jánnatta, ımany salamat bolsyn" delingen jedelhatta.
Pikir qaldyrý