Respýblıkalyq "Alataý" respýblıkalyq balalar klınıkasynyń basshysy para alý ústinde ustaldy. Bul týraly bala quqyqtary jónindegi ýákil Arýjan Saın Facebook jelisinde jazdy.

Sybaılas jemqorlyqqa qarsy kúres agenttigi júrgizgen operasıa barysynda mekeme qyzmetkerleriniń aqsha urlaǵany, azyq-túlik jáne balalarǵa arnalǵan basqa da ónimderdi satqany anyqtaldy.

– Shıpajaı dırektory Qanshaıym Musaeva men onyń qolastyndaǵylar jyl saıyn aqsha jymqyryp otyrǵan. Ata-analar tarapynan klınıkaǵa kelip, tamaq, arnaıy em sharalary úshin tólenetin qarajatty búdjetke salýdyń ornyna, ózderine alǵan, – dedi Saın.

Ol óz jazbasynda balalar bul ortalyqqa memlekettik kvota arqyly jiberiletinin aıtty. Iaǵnı, ata-analardyń ózderine jumsaıtyn shyǵyny bul esepke kirmeıdi.

– Onda ata-analar táýligine 7500-11 000 myń teńgege deıin tóleıdi. Taǵy da olar tamaqtanýǵa kúnine 5000 teńge berip otyrǵan. Bul qarajat mekemeniń búdjetine emes, basshylyqtyń qaltasyna túsip otyrǵan, – dep atap ótti ol.