Almatyda polıseıler “L-Kapıtal” kompanıasynyń basshysyn ustady. Bul týraly Polisia.kz saıty habarlady.

Almaty qalasynyń polısıa departamenti tergeý basqarmasynyń málimetterine súıensek, 1962 jyly týǵan azamatsha ustalǵan.

Ol Qylmystyq kodekstiń 128-baby (adam saýdasy) boıynsha ýaqytsha ustaý ızolátoryna qamaldy.

– Atalǵan kompanıanyń salymshylarynyń ujymdyq málimdemelerine sáıkes, qylmystyq kodekstiń 217-baby 3-bóligi (Qarjylyq pıramıdany qurý jáne oǵan basshylyq etý) boıynsha sotqa deıingi tergeý bastalǵanyn buryn habarlaǵan edi.

Vedomstvoaralyq tergeý-jedel toby quryldy. Kompanıanyń keńselerinde sanksıalanǵan tintýler júrgizildi. Tolyqtyq, obektıvtilik jáne jan-jaqtylyq prınsıpterin qatań saqtaı otyryp júrgizilgen tergeý áreketteriniń kesheni barysynda mán-jaılar anyqtalyp, prosesýaldyq sheshim qabyldanady. Qazirgi ýaqytta qylmystyq is boıynsha 50 adam jábirlenýshi retinde tanylǵan, – dedi Almaty qalalyq polısıa departamenti bastyǵynyń orynbasary Rústem Abdrahmanov.