Eńbek jáne halyqty áleýmettik qorǵaý mınıstrligi vedomstaǵa qarasty monıtorıńtik top júrgizgen jospardan tys tekserý barysynda Shymkent qalasynyń №2 arnaýly áleýmettik qyzmetter kórsetý ortalyǵynda qyzmet alýshylardyń quqyqtaryn buzýdyń kóptegen faktileri anyqtalǵanyn habarlady.

Tekseriske Shymkent qalasynyń turǵyny Álıa Mamýtova Instagram-daǵy shaǵymy negiz bolǵan. Buǵan deıin Álıa Mamýtova İ toptaǵy múgedek qyzy mekemede 7 jyl boıy zorlaǵanyn habarlady. Onyń aıtýynsha, epılepsıamen aýyratyn qyzy esinen tanǵan kezde onyń denesine qol suǵylǵan. 

"Tekserý barysynda qyzmet alýshylar quqyqtarynyń buzylý faktileri jáne Ortalyq qyzmetin uıymdastyrýda kemshilikter anyqtaldy. Mysaly, birneshe palatada jatyn alańdar belgilengen normalarǵa sáıkes kelmeıdi. Tıisti 5 sharshy metr alańnyń ornyna qyzmet alýshyǵa 3-ten 4,5 sharshy metrge deıin keledi. Keıbir qyzmet alýshylardyń jeke jumys josparlary ońaltýdyń jeke baǵdarlamasy eskerilmeı jasalǵan. Budan basqa, qyzmet alýshylar jumsaq ınventarmen jáne kıimmen tolyq kólemde qamtamasyz etilmegen. Qyzmet alýshylardyń kıiminiń markırovkasy joq.  Sondaı-aq asqana, as bólmesi, azyq-túlik qoımasyn tekserý kezinde birqatar buzýshylyqtar anyqtaldy. Olar Ortalyqtyń laýazymdy adamdarynda tıisti baqylaýdyń joqtyǵyn kórsetedi, as bloktarynda jáne basqa da úı-jaılarda antısanıtarıalyq jaǵdaılardan qyzmet alýshylardyń jappaı juqtyrý qaýpi bar" dep jazdy mınıstrliktiń baspasóz qyzmeti.

Sonymen qatar mınıstrlik tarapynan osyǵan deıin jasalǵan eskertýler boıynsha áreket jasalmaǵan.

"Tekserý nátıjeleri boıynsha Shymkent qalasynyń ákimdigine Eńbekmıninen biliktilik talaptaryn eskere otyryp, ortalyq dırektory Myrzahan Joltaevty atqaratyn laýazymynan bosatý jáne mekeme basshysyn qoǵamnyń belsendi ókilderi qatarynan taǵaıyndaý týraly máseleni qaraý jóninde usynys jiberildi" delingen aqparattyq habarlamady.