Prezıdent Qasym-Jomart Toqaev Ózbekstannyń syrtqy ister mınıstri Abdýlazız Kamılovti qabyldady, dep habarlady Aqorda saıty.

Saıt málimetinshe, memleket basshysy Nur-Sultan qalasyna jumys saparymen kelgen Ózbekstannyń syrtqy ister mınıstri Abdýlazız Kamılovti qabyldaǵan.

"Kezdesý barysynda mınıstr Toqaevqa Ózbekstan kóshbasshysynyń Tashkent qalasynda "Ortalyq Azıa jáne Ońtústik Azıa: óńirlik ózara baılanystar. Syn-qaterler men múmkindikter" atty halyqaralyq konferensıa ótkizý týraly bastamasyna qoldaý bildirý týraly ótinishin jetkizdi.

Sonymen qatar Qazaqstan men Ózbekstan arasyndaǵy berik dostyq pen tatý kórshilikke negizdelgen strategıalyq seriktestiktiń qazirgi ahýaly jáne ony ári qaraı nyǵaıtýdyń perspektıvalary talqylandy" delingen habarlamada.

Qasym-Jomart Toqaev álemdegi kúrdeli jaǵdaıǵa jáne pandemıaǵa qaramastan eki eldiń qarym-qatynastary joǵary deńgeıde ekenin, qazirgi syn-qaterlerge ornyqty tótep berip otyrǵanyn aıtty.

Kezdesý sońynda Qasym-Jomart Toqaev Shavkat Mırzıóevqa zor densaýlyq jáne baq-bereke tilegen sálemin joldap, Ózbekstan prezıdenti epıdemıalyq ahýal jaqsarǵannan keıin Qazaqstanǵa saparmen keletinine senim bildirdi.