Ulttyq akademıalyq kitaphanada Mádenıet jáne sport mınıstrliginiń onlaın formatta ótken keńeıtilgen alqa májilisinde premer-mınıstrdiń orynbasary Eraly Toǵjanov Táýelsizdiktiń 30 jyldyǵyn atap ótý baǵytynda birqatar tapsyrma berdi.

– Bıyl halqymyz úshin tarıhı mańyzdy jyl. El Táýelsizdiginiń 30 jyldyǵyn atap ótýdemiz. Respýblıka boıynsha el mereıtoıyna arnalǵan 360-tan asa mádenı, 400-ge jýyq sport boıynsha is-shara ótedi dep josparlanǵan. Memleket basshysynyń tapsyrmasyna sáıkes bıyl Naýryz meıramy mazmundyq turǵydan baıytylǵan, jańartylǵan konsepsıamen atap ótiledi.

Josparlanǵan is-sharalardy joǵary deńgeıde iske asyrýǵa jumyla kúsh salyp, Táýelsizdik jyldary qol jetkizgen nátıjelerimizdi el ishinde jáne halyqaralyq deńgeıde taratýymyz kerek, – dedi premer-mınıstr orynbasary.

Sondaı-aq bıyl jyr alyby Jambyl Jabaevtyń 175, aǵartýshy ǵalym Ybyraı Altynsarınniń 180, kúsh atasy Qajymuqan Muńaıtpasulynyń 150, alash qaıratkeri Álıhan Bókeıhanulynyń 155, Erkeǵalı Rahmadıevtiń 90, Oljas Súleımenovtiń 85, Qarshyǵa Ahmedıarovtyń 75, Álibek Dinishevtiń 70, Batyrhan Shúkenovtiń 60 jyldyq mereıtoıy memlekettik deńgeıde atalyp ótpek.