Jambyl oblysynń ákimi Berdibek Saparbaev 2015-2020 jyldar aralyǵynda týǵan 5 balanyń qazasyna soqtyrǵan Jambyl oblysy Sarysý aýdany Jańatas qalasyndaǵy qaıǵyly jaǵdaıǵa baılanysty málimdeme jasady.
"Búgin búkil eldi eseńgiretken qaı̆ǵyly oqıǵa boldy. Jańatastaǵy úı̆lerdiń birinen órt shyǵyp, bes birdeı̆ beı̆kúná bala ajal qushty.
⠀
Oqıǵanyń mán-jaı̆yn anyqtaý úshin oblys ákiminiń orynbasary Ulan Jazylbektiń tóraǵalyǵymen arnaı̆y komısıa quryldy. Oqıǵa ornyna oblys prokýrory N. Ábdirov, Polısıa departamentiniń basshysy J. Súleı̆menov, TJD basshysy E. Mombaev attandy.
⠀
Qara jamylǵan otbasyǵa qajetti psıhologıalyq, materıaldyq kómek kórsetilýde. Másele meniń jeke baqylaýymda. Kóz jumǵan balalardyń jaqyndaryna Alla Taǵala sabyr bersin. Qaı̆ǵylaryna ortaqtasyp kóńil aı̆tamyn" dedi ákim facebook paraqshasynda.
Búgin Jańatas qalasy 2 yqshamaýdandaǵy 5 qabatty turǵyn úıdiń 3-shi qabatynda órt bolǵan. Páter ishinde ata-ananyń qaraýynsyz kámelet jasyna tolmaǵan 2015, 2016, 2017, 2019 jáne 2020 jyldary týǵan bes bala qalyp qoıǵan. Órt bolǵan ýaqytta úıdiń otaǵasy jumysta bolǵan, al anasy dúkenge shyǵyp ketkeni habarlandy. Tútinge ýlanǵan balalar jedel túrde aýrýhanaǵa jetkizilgenimen, araǵa biraz ýaqyt salyp kóz jumǵan.
Pikir qaldyrý