Nur-Sultan qalalyq tergeý soty burynǵy densaýlyq saqtaý mınıstri Eljan Birtanovtyń úıqamaq merzimin naýryz aıynyń sońyna deıin uzartty. Bul týraly Birtanovtyń advokaty Dmıtrıı Kýráchenko habaralady.

– Tergeý úıqamaq merzimin 2021 jyldyń 12 aqpanynda uzartýdy surady, sot naýryzdyń sońyna deıin uzartty, – dedi advokat.

Eljan Birtanov 2020 jyldyń 25 maýsymynda densaýlyq saqtaý mınıstri qyzmetinen bosatylǵan. Eks-mınıstr 3 qarashada asa iri kólemde búdjet qarajatyn jymqyrdy degen aıyppen ustalǵan.

2020 jyldyń qarashasynda advokaty Dmıtrıı Kýrachenko Birtanovtyń úıqamaqta ekenin málimdedi.

2021 jyldyń qańtarynda Nur-Sultan qalalyq tergeý soty eks-mınıstrdi úıqamaqta bolýyn aqpannyń sońyna deıin uzartqan bolatyn.