Túrkistan oblysynyń Saryaǵash qalasynda polıseıler qyz uzatý toıynyń ústinen tústi, – dep habarlady Polisia.kz.

Saıt málimetinshe, Saryaǵash aýdandyq polısıa bóliminiń qyzmetkerleri karantın rejımin jáne shekteý sharalaryn saqtaý maqsatynda turaqty túrde is-sharalar uıymdastyryp turady. 

"Sondaı kezekti profılaktıkalyq jumystar júrgizý barysynda, Saryaǵash qalasynda ornalasqan toıhanalardyń birinde toıdyń bolyp jatqany beligli bolǵan. Merekeli jıynda shamamen 100-ge jýyq qonaq jınalǵan. Toıdyń ústinen túsken tártip saqshylary kelýshilerge karantın rejımin túsindirip, qonaqtardy úı-úılerine tarqatty. Toıdyń jáne toıhananyń ıesine halyqtyń sanıtarıalyq-epıdemıologıalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý baby boıynsha Túrkistan oblysy Bas sanıtarlyq dárigeriniń qaýlysynda kórsetilgen karantın rejımin jáne shekteý sharalaryn saqtamaǵany úshin jınaqtalǵan qujattar Saryaǵash aýdandyq sanıtarlyq epıdemıologıa baqylaý basqarmasy joldandy" delingen aqparattyq habarlamada.