Qasym-Jomart Toqaev ulttyq qoǵamdyq senim keńesiniń múshelerimen birqatar kezdesý ótkizdi, dep habarlady Aqorda saıty.

Saıt málimetinshe, Toqaev ulttyq qoǵamdyq senim keńesiniń músheleri Rahym Oshaqbaevpen jáne Qanat Saharıanovpen kezdesý ótkizdi.

"Talap" qoldanbaly zertteýler ortalyǵynyń dırektory Rahym Oshaqbaev prezıdentke ózi basqaryp otyrǵan ortalyqtyń jumysy týraly aıtty. Sondaı-aq otandyq analıtıkalyq ortalyqtardy damytý jónindegi usynystaryn ortaǵa saldy.

Budan bólek memleket basshysyna jahandyq kompanıalarmen aradaǵy yntymaqtastyqtyń negizinde ınvestısıa tartý joldaryn, sondaı-aq aqsha-kredıt saıasatyn jetildirýge baǵyttalǵan usynystar tanystyryldy" delingen habarlamada.

Atameken Business telearnasynyń bas dırektory Qanat Saharıanovpen áńgimelesý barysynda qazaqstandyq buqaralyq aqparat quraldarynyń básekege qabilettiligin nyǵaıtý, aqparattyq saıasat salasyn retteıtin zańnamany  damytý máseleleri qarastyryldy.

Qasym-Jomart Toqaev memlekettiń otandyq mass-medıaǵa qoldaý kórsete beretinine toqtalyp, kontent sapasyn arttyrý jáne qazaqtildi BAQ-tyń básekege qabilettiligin kúsheıtý qajettigin aıtty.