AQSH Reseıge qarsy jańa sanksıa ázirlep jatyr, ony aldaǵy aptalarda jarıalaıdy. Bul týraly Aq úıdiń baspasóz hatshysy Djennıfer Psakı habarlady, dep jazady bbc-diń orys qyzmeti.

Qańtar aıynyń basynda AQSH-tyń eks-prezıdenti Tramp ákimshiligi Kremlge SolarWinds dep atalǵan hakerlik shabýyl men opozısıalyq saıasatker Alekseı Navalnyıdyń qamalýyna baılanysty qatań sharalar paketin ázirlegen. Alaıda Tramp sońǵy sátte qujatqa qol qoıýdan bas tartqan.

– Biz barlaý qyzmetine jumysty jalǵastyrýdy jáne burynǵy ákimshilik daıyndaǵan tujyrymdardy naqtylaýdy suradyq. Jumys jalǵasýda. Reseıge aldaǵy aptalarda jaýap beremiz, –  dedi Djennıfer Psakı.

Seısenbide Washington Post gazeti óz derekkózderine súıenip jaqyn arada Kremlge qarsy sanksıalar engiziletinin habarlaǵan.