Almaty qalasyndaǵy máıithana dırektory Baqytjan Álibekov para aldy degen kúdikke ilindi, dep habarlady sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń baspasóz qyzmeti.

Mekemeniń málimetinshe, ol ózi qurǵan Veritas Primus jaýapkershiligi shekteýli seriktestigi arqyly búdjet qarjysyn jymqyrdy degen kúdikke ilingen.

"Almaty qalasy boıynsha sybaılas jemqorlyqqa qarsy qyzmeti qalalyq patologoanatomıalyq búronyń dırektory Álibekovke qatysty tergeýdi aıaqtady. Ol 2020 jyly memlekettik satyp alý kelisimsharty boıynsha 4,5 mln teńge kóleminde aqsha urlaǵan. Bul aqshany jymqyrý úshin ol Veritas Primus JSHS qurdy" delingen habarlamada.

Sondaı-aq ol qalalyq patologoanatomıalyq búrosynyń jańa salynyp jatqan ǵımaratyna medısınalyq jabdyqtardy jetkizý boıynsha qabyldaý aktisine qol qoıǵany úshin almatylyq kásipkerden 14 mln teńge kóleminde para aldy degen kúdikke ilindi.

– Qazirgi ýaqytta qylmystyq is sot qaraýynda jatyr. Kúdiktiniń kinási týraly sheshimdi sot shyǵarady, – dep atap ótti sybaılas jemqorlyqqa qarsy qyzmet.

Almaty máıithanasynyń dırektory Baqytjan Álibekov ótken jyldyń qazan aıynda qamaýǵa alynǵan. Sodan keıin ol tek jabdyqty qabyldaý aktilerine qol qoıý úshin para aldy dep kúdiktelgeni týraly habarlanǵan.