Prezıdent Qasym-Jomart Toqaev aımaqtardyń áleýetin arttyrý maqsatymen kezinde áleýmettik-kásipkerlik korporasıalar qurylǵanyn aıtty.

– Mundaı qurylymdar qazir barlyq oblystar men respýblıkalyq mańyzy bar qalalarda jumys isteıdi. Endi áleýmettik-kásipkerlik korporasıalardy tolyqqandy ınstıtýtqa aınaldyratyn kez keldi. Óńirlik korporasıalardyń jumysy qoǵamnyń ashyq ári tolyq baqylaýynda bolýǵa tıis. Quziretine jatpaıtyn jáne mańyzy tómen aktıvterdi onyń qaramaǵynan alyp tastaǵan jón, – dedi prezıdent.

Toqaev osy korporasıalardyń qyzmetin úılestirý úshin aýqymdy jumys júrgizý qajettigin atap ótti. Onyń aıtýynsha, Ulttyq ekonomıka mınıstrliginiń atalǵan máselege qatysty quzyretin kúsheıtý kerek.