İshki ister mınıstrligine áıelder men balalardy zorlyq-zombylyqtan qorǵaý jónindegi arnaıy bólimsheler shtatyn qalpyna keltirýdi tapsyramyn. Bul týraly ulttyq qoǵamdyq senim keńesiniń 5-otyrysynda prezıdent Q.Toqaev málimdedi.

Memleket basshysy áıelderge qarsy zorlyq-zombylyq olardy qoǵamǵa tolyqqandy aralsýdan aıyratynyn, otbasy ınstıtýtyna teris áser etetinin aıtty.

– Bul ózekti máseleni memlekettik organdar men úkimettik emes uıymdardyń ortaq kúsh-jigerimen ǵana sheshýge bolady. Munda İİM-niń 1999 jyly qurylǵan áıelder men balalardy zorlyq-zombylyqtan qorǵaý jónindegi arnaıy bólimshelerine basty ról birilip otyr. Olar polısıanyń azamattyq qoǵammen ózara is-qımylynyń tıimdi býyny bolýy kerek. Alaıda bir kezderi olardyń shtat sanynyń jartysyna jýyǵy qysqartyldy. Sondyqtan İshki ister mınıstrligine áıelder men balalardy zorlyq-zombylyqtan qorǵaý jónindegi arnaıy bólimsheler shtatyn qalpyna keltirýdi tapsyramyn, –  dedi prezıdent.

Toqaev sondaı-aq áıelder men balalarǵa qarsy zorlyq-zombylyq qylmystary boıynsha áıel tergeýshilerdi mamandandyrýdy usynǵan keńes múshesi Aıgúl Orynbektiń bastamasyn atap ótti.

Onyń aıtýynsha, bul jábirlenýshilerge birjaqty jáne ádepsiz kózqaras faktilerin boldyrmaýǵa múmkindik beredi.