Prezıdent Qasym-Jomart Toqaev Kaspi.kz kompanıasynyń negizin qalaýshylardy qabyldady, dep habarlady Aqorda saıty.

Saıt málimetinshe, kezdesý barysynda Vácheslav Kım men Mıhaıl Lomtadze kompanıanyń qazirgi jumysy men jetistikteri týraly aıtty.

Olar prezıdentke iri jahandyq ınvestorlardyń Qazaqstanǵa degen qyzyǵýshylyǵy artqany jóninde málimet berdi. Olardyń aıtýynsha, buǵan Kaspi.kz aksıalarynyń London qor bırjasyna ashyq túrde sátti ornalastyrylýy sebep bolǵan.

"Sonymen qatar kezdesýde qolma-qol aqshasyz tólem kóleminiń ósýi jáne onyń qoldanylý aıasyn keńeıtý, kompanıanyń qatysýymen memlekettik sıfrlandyrý jobalaryn júzege asyrý máseleleri talqylandy" delingen habarlamada.

Kezdesý qorytyndysy boıynsha memlekettik organdar men Kaspi.kz kompanıasynyń birlesken jumystarynyń perspektıvalyq baǵyttary belgilenip, Qazaqstandaǵy qolma-qol aqshasyz tólemderdi damytýǵa qatysty máseleler naqtylandy.