Eńbek jáne halyqty áleýmetti qorǵaý mınıstrligi jetkilikti mólsherden asatyn zeınetaqy qoryndaǵy qarajattyń bir bóligin avtokólik satyp alýǵa berý bastamasyna pikir bildirdi, lep jazady LS saıty.
Mınıstrlik habarlaǵandaı, salymshylar búginde jınaǵynyń bir bóligin baspana jaǵdaıyn jaqsartýǵa, emdelýge jumsaı alady. Sondaı-aq ózge kompanıalarǵa salýǵa múmkindigi bar.
"Zeınetaqy qoryndaǵy aqshany basqa maqsattar úshin paıdalaný múmkindikteri qarastyrylyp otyrǵan joq" delingen mınıstrlik habarlamasynda.
BJZQ-daǵy qarajatty jınaq salymy "jetkilikti shekten" asatyn, jumys istep júrgen azamattar ǵana ala alady. Olardyń sany 530 myńǵa jýyqtaıdy.
Mınıstrlik ázirlegen sharttaǵa saı, 20 jastaǵy azamat úshin "jetkilikti shek" – 1 mln 720 myń teńge. Osy somadan asqan qarajatty joǵaryda atalǵan úsh maqsatqa paıdalanýǵa múmkindik bar.
Ózge jastaǵy adamdar úshin "jetkilikti shek" mólsheri tómendegideı:
- 30 jas – 2 mln 538 myń teńge;
- 35 jas – 2 mln 961 myń teńge;
- 40 jas – 3 mln 437 myń teńge;
- 45 jas – 3 mln 947 myń teńge;
- 50 jas – 4 mln 495 myń teńge;
- 55 jas – 5 mln 84 myń teńge;
- 59 jas jáne odan ári qaraı – 5 mln 586 myń teńge.
Pikir qaldyrý