Almatydaǵy Balýan Sholaq atyndaǵy sport saraıy aldynda mıtıńke shyqqan "Dempartıa" jaqtastaryn Almaty qalasy prokýrorynyń birinshi orynbasary Murat Tileýberdıev, advokat Ǵalymjan Turlybekuly jáne azamattyq kıimdegi birneshe adam taraýǵa shaqyryp jatyr.

Murat Tileýberdıev jınalǵandarǵa ótkizip jatqan aksıalarynyń zańsyz ekenin aıtsa, advokat Ǵalymjan Turlybekuly mundaı áreketter "dástúrimizge jat" ekenin aıtyp, azamattardy qaıtýǵa shaqyrýda.

Al azamattyq kıimdegi belgisiz adamdardyń biri narazy topqa "tarańdar" dese, biri "Mamaı, qarabet, Mamaıǵa senbeńder" dep aıqaılap júr. Olardyń arasynda tanymal adamdar kórinbeıdi.

Belsendiler ózderine aıtylǵan sózderdi tyńdamaı, "jer satylmasyn", "nesıe amnıstıasy jarıalansyn", "saıası tutqyndardy bosatylsyn" Nazarbaev, ket", "Eýroparlament qarary oryndalsyn" degen talaptaryn qoıyp jatyr.