Aqtaýda eki adam kórshisi jándikterdi ýlaǵannan keıin qaıtys boldy. Bul týraly Mańǵystaý oblysynyń qoǵamdyq komýnıkasıa ortalyǵy habarlady.

Ortalyq málimetinshe, Aqtaý qalasynyń turǵyny "Kvıkfos" preparatymen (jándikterge qarsy preparat) kórshilerine eskertpesten óz páterin dezınfeksıalaǵan.

"Páterin zalalsyzdandyryp bolǵan soń, úıin kilttep basqa shaǵynaýdanǵa ketken. Keıin kórshileriniń densaýlyǵy nasharlaı bastaǵan. Saldarynan kórshi áıel men qyzy kóz jumdy" delingen habarlamada.

Sondaı-aq taǵy 6 adam shuǵyl túrde aýrýhanaǵa jatqyzylǵan. 

Atalǵan is boıynsha sot-medısınalyq saraptama taǵaıyndaldy. Osy fakt Aqtaý qalasynyń polısıa basqarmasyna qylmystyq kodekstiń 304-baby 3-bólimine sáıkes tirkeldi.

Qazirgi tańda Aqtaý qalasynyń polısıa basqarmasy páterin dezınfeksıalaǵan turǵynnyń jeke basyn anyqtady. Qylmystyq is boıynsha sotqa deıingi tergeý júrip jatyr.