"Borat-2" fılmi "Altyn Globýs" júldesin ıelendi. Bul týraly "Altyn globýstyń" Twitter-degi resmı paraqshasy habarlady.

"Borat-2" fılmi úzdik komedıa nemese múzıkl nomınasıasy boıynsha "Altyn Globýs" syılyǵynyń ıegeri atandy.

Fılmdegi basty róldi somdaǵan akter – Sasha Baron Koen "Múzıkldegi nemese komedıadaǵy eń úzdik ról" nomınasıasyn jeńip aldy.

"Borat" – eki bólimnen turatyn komedıa janryndaǵy týyndy. Fılmniń alǵashqy bólimi 2006 jyly shyqqan. Fılm jelisi boıynsha rejıser ári bas keıipkerdi somdaǵan Sasha Baron qazaqstandyq jýrnalıs Borattyń ómirin, sol arqyly Qazaqstandy órkenıet kóshinen qalǵan etip kórsetedi. Fılm Qazaqstanda úlken shý týdyrǵannan keıin el aýmaǵynda kórsetýge tyıym salynǵan.

Sasha Baron Koenniń ózi fılmde Qazaqstan men shyn eldiń arasynda ortaq eshteńe joq ekenin málimdegen.

"Men Qazaqstandy Amerıkada eshkim bilmeıtindikten tańdadym. Bul bizge jabaıy, komedıalyq jáne jalǵan álem jasaýǵa múmkindik berdi. Shynaıy Qazaqstan – qoǵamy zamanaýı ári maqtanýǵa turarlyq keremet el. Borattyń qarama-qarsy nusqasy" degen bolatyn akter.